Астанада алғаш рет халықаралық «Құралай» қуыршақ театрлар фестивалі өтеді

29 маусым мен 2 шілде аралығында Астанадағы Қалибек Қуанышбаев атындағы Мемлекеттік академиялық қазақ музыкалық драма театрында алғаш рет «Құралай» қуыршақ театрлар фестивалі өтеді.

Шара Қазақстанның еңбек сіңірген әртісі, қазақ қуыршақ театрының тұңғыш кәсіби режиссері Құралай Ешмұратованың 70 жылдық мерейтойына орай ұйымдастырылмақ.

Фестивальға Еуропа, Азия және ТМД елдерінің қуыршақ театрлары қатысады.

 Шара барысында Астана қаласы әкімдігі Қуыршақ театры С. Жүнісовтің «Аманай мен Заманай» повесінің желісі бойынша жазылған «Атамекен» қойылымын ұсынады.