Жаңа Конституция жобасы талқыланды

Алматыда жаңа Конституция жобасы ғылыми және қоғамдық қауымдастық өкілдерімен талқыланды. Шараға сарапшылар, ғалымдар, жоғары оқу орындарының басшылары және қоғамдық ұйым өкілдері қатысты. Кездесуде сөз алған  қала әкімі Дархан Сатыбалды негізгі заңды жаңарту елдің дамуына жаңа мүмкіндік беретінін айтты. Әкімнің сөзінше, қазіргі кезеңде ғылым, білім және технология мемлекет дамуының басты факторына айналып отыр. Сондықтан жаңа Конституция жобасы елдің зияткерлік әлеуетін арттырып, ғылыми зерттеулерді қолдауға және инновациялық экономиканы дамытуға негіз болады. Жиын барысында қатысушылар конституциялық өзгерістердің қоғам бірлігін нығайтуға серпін беретінін атап өтті.

Дархан Сатыбалды, қала әкімі:

Бүгінгі таңда әлемде ғылым мен білім, технология шешуші факторларға айналып отыр. Сондықтан жаңа Конституция еліміздің зияткерлік әлеуетін нығайтуға, ғылыми зерттеу қызметін қолдауға, инновациялық-экономикалық дамытуға және мәдениеттің өркендеуіне берік негіз қалайды деп сенеміз.