Қазақстандағы дауыс берушілердің орташа жасы – 29 жас

Қазақстандағы дауыс берушілердің орташа жасы – 29 жас. Яғни ел болашағына жауапты шешім қабылдап отырғандардың көпшілігі – жас ұрпақ. Сондықтан азааттардың референдумға белсенді қатысып, өз болашағы үшін дауыс беруі маңызды. ТМД Бас хатшысының бірінші орынбасары Игорь Петришенко осылай деп пікір білдірді. Мұның барлығы елдің тұрақты дамуына, қоғам әл-ауқатын арттыруға және Қазақстанның жарқын әрі әділетті болашағын қалыптастыруға бағытталғанын жеткізді.

Игорь Петришенко, ТМД бас хатшысының бірінші орынбасары:

Референдум – халықтың өз болашағын айқындайтын маңызды таңдау. Бүкілхалықтық дауыс беру арқылы азаматтар елдің даму бағытына тікелей ықпал етеді. Бұл – демократияның басты қағидаты. Өйткені мемлекет ұсынған бастамалар халықтың қолдауымен ғана жүзеге асады. Референдум нәтижесі мемлекеттік институттарға нақты мандат беріп, басқару жүйесін жетілдіруге, заңнаманы жаңартуға және қоғам дамуына жаңа серпін береді. Яғни бұл – Қазақстанның тұрақты дамуы мен әділетті болашағына жасалған ортақ қадам.