Ұялы байланыс тарифтері бойынша Қазақстан 17-орында

Бұл туралы бүгін Мәжілістегі «Нұр Отан» партиясы фракциясы жанындағы Экономикалық саясат кеңесінің партияның Сайлауалды тұғырнамасы бойынша өткен бірлескен отырысында мәлім болды.

«Байланыс қызметтеріне тарифтер тұрғысында кезінде телекоммуникациялық саланың либерализациясы жүргізілді.

Бірқатар оператор нарыққа шығып, бүгінде олар бәсекелестікте жұмыс істеуде. Бұл өз кезегінде тарифтердің төмендеуіне алып келді.

Дүниежүзілік экономикалық форумның рейтингі бойынша біз ұялы байланыс тарифтері тұрғысында 17- орындамыз»,- деді ҚР Инвестициялар және даму вице-министрі Асқар Жұмағалиев.

Осы орайда, вице-министр алдағы уақытта да ұялы байланыс үшін тарифтерді төмендету жұмыстары жалғасатынын атап өтті, деп хабарлайды ҚазАқпарат.