2014 жылдың соңына дейін Жамбыл облысының 17 елді мекеніне газ беріледі

Жамбыл  облысы  әкімдігінің  баспасөз  қызметінің  хабарлауы  бойынша  2014  жылы  17  елді  мекеніне   газбен  қамту  жоспарланып  отыр.          

2013 – 2014  жылдары  облыстың  төрт  ауданын   газбен   қамту  үшін   республикалық  бюджеттен  жобалау-сметалық  құжаттаманы  әзірлеу  үшін   453 миллион  теңге  қаржы  бөлуге  өтінім  берілген.  Облыстың  төрт  ауданына  газ  құбырын  салу  жобасының  жалпы  құны  9 миллиард  теңгеге  бағаланып  отыр.  

Жоба  іске  асырылса  Қордай, Шу, Сарысу  және  Мерке  аудандарының  36  елді мекені  табиғи  газбен  қамтамасыз  етіледі.

Қазіргі  уақытта  Жамбыл  облысында  373  елді  мекеннің  122-і  газбен  қамтылған,  деп  хабарлайды  ҚазАқпарат.