Басты Жаңалықтар Бүгін «Оскар» сыйлығының иегерлері анықталмақ

Бүгін «Оскар» сыйлығының иегерлері анықталмақ

02.03.2014 01:18

Бүгін Әлемдегі басты кино оқиғаларының бірі «Оскар» сыйлығын тапсыру салтанаты өтеді. 86-шы рет өткелі отырған салтанатты жиынды 55 жастағы танымал тележүргізуші, әрі актриса Эллен Дедженерес жүргізеді.

Марапаттау салтанаты Сочидегі Қысқы Олимпиада ойындарының өтуіне байланысты наурыздың алғашқы жексенбісіне шегерілді. Әдетте, бұл шара ақпан айының соңғы жексенбісінде өтетін еді.

«Оскар» 2014 киножүлдесінде «Жылдың үздік фильмі» байқауында келесі фильмдер бақтарын сынайтын болады: «Құлдықтағы 12 жыл», «Америкалық сергелдең», «Капитан Филлипс», «Гравитация», «Небраска», «Филомена», «Уолл-стрит қасқыры», «Далластық сатып алушылар клубы» және «Оныкі» атты туынды.

Шетел тіліндегі ең үздік фильмдер аталымына Бельгияның «Үзілген үміттің жалғауы», Италияның «Асқақ сұлулық» атты туындысы, даниялық режиссер Томас Винтербергтің «Аңшылық» лентасы, сондай-ақ, француз тілінде түсірілген «Жоғалған Аватар» Камбоджаның деректі фильмі және палестиналық Хани Абу Ассадтың «Омар» атты көркем туындысы төрешілердің назарына ұсынылмақ.

Бұдан бұрын «Омар» шығармасы Канндағы фильмдер байқауында төрешілердің арнайы жүлдесімен марапатталды.

Бөлісу