Басты Жаңалықтар Қырғыз Республикасы Жириновскийге ашулы

Қырғыз Республикасы Жириновскийге ашулы

25.02.2014 12:35

Қырғыз Республикасы Сыртқы істер министрлігі ресейлік депутат Владимир Жириновскийдің сөзіне байланысты ресми мәлімдеме жасауға ниетті. Бұл туралы ҚР СІМ Эрлан Әбділдаев мәлімдеді.

«Бұған дейін де ресейлік саясаткер осы іспеттес мәлімдемелер жасаған болатын. Одан кейін оны «персона нон грата» деп жариялаған. Оның сөздерінде эмоционалдық сипат басым. Осындай дәрежедегі мемлекет қайраткері абайлап сөйлегені абзал», - деді Э.Әбділдаев.

Естеріңізге сала кетейік, РФ Мемлекеттік думасының депутаты, ЛДПР фракциясының көшбасшысы В.Жириновский 23 ақпан күні бүкіл Орта Азия елдерін Орта Азиялық федералды округ ретінде Ресей құрамына енгізу керек деп ресми мәлімдеме жасаған болатын.

Бөлісу