Ақтөбеде мыс өнімдерін шығаратын зауыт салынады

Ақтөбеде мыс өнімдерін шығаратын ірі зауыт салынады. Шетелдік инвесторлардың қатысуымен жүзеге асатын жобаның құны 100 млн АҚШ доллары. Бүгін кәсіпорынның қазығы қағылды. «Kazakh invest» Ұлттық компаниясының қолдауымен іске асып жатқан шараға қытайлық инвесторлар мен облыс басшылығы қатысты. Жаңа зауыт «Ақтөбе» арнайы экономикалық аймағынан бой көтереді. Тараптар құрылыс жұмыстарын мерзімінен бұрын аяқтауға уағдаласты. Яғни алғашқы өнімін келесі жылы шығара бастайды.

Құрылыс жұмыстарын жыл соңына дейін аяқтауды жоспарлап отырмыз. Яғни кәсіпорын алдағы жылы толық іске қосылуы тиіс. Өндірісте қоршаған ортаны ластамау үшін заманауи сүзгілер орнатылады. Біз Қазақстанда осындай ірі жобаны жүзеге асырып жатқанымызға қуаныштымыз. Бұл екі жаққа да тиімді.

25 мың тоннадан 50 мың тоннаға дейін мыс өндіріледі. Жалпы, шығарылатын өнімнің көлемі доллармен алатын болса, 500 млн-ға дейін жетеді. Өте үлкен өндіріс. Мысты шикізат күйінде сатпай, оны терең өңдейміз.