Басты Жаңалықтар Астанада апта соңына дейін қатты аяз болады

Астанада апта соңына дейін қатты аяз болады

29.01.2014 08:52

Алдағы күндері Астанада қатты аяз болады. Синоптиктердің болжауынша, күн келер аптада жылына бастайды. Бұл туралы astana.kz сайтына «Қазгидромет» РМК хабарлады.

Метеорологтардың хабарлауынша, елордада апта соңына дейін шамамен түнде -30,-35°C, күндіз -23,-30°C аяз болады.

Айта кетейік, бірнеше күннен бері қатты аяз салдарынан елордалық мектептерде сабақ өткізілмей келеді. Бүгін бірінші ауысымдағы 1-11 сынып оқушылары мен колледждердің 1,2 курс студенттері үшін сабақ өткізілмеді. Екінші ауысымда оқитын 1-4 сынып оқушылары да мектепке бармайды.

Бөлісу