«Қара құрдымның» суреттері жарияланды

Еуропалық ғалымдар сенсациялық мәлімдеме жасады. Олар алғаш рет қара құрдымның суреттерін жариялады. Оның жерден ұзақтығы 50 млн жарық жылына немесе 500 квинтиллион шақырымға тең. Қара құрдымды суретке түсіру үшін түрлі құрлықтарда орналасқан 8 телескоптан тұратын желі пайдаланылды. Ғалымдардың айтуынша,  оның массасы күн массасынан 6,5 млрд есе артық.

Қара құрдым суретінің жариялануы - күллі ғылым әлемі үшін маңызды жаңалық. Өйткені күні бүгінге дейін біздің қара құрдымдар туралы түсінігіміз тек теориямен шектеліп, олардың шын мәнінде бар екені ғылыми гипотеза болып келді.

Арай ТӨЛЕГЕНҚЫЗЫ