Атақты наркобарон айыпты деп танылды

АҚШ соты мексикалық есірткі бароны Хоакин Гусманды айыпты деп таныды. «Қортық» деген атпен белгілі қылмыскерге 10 бап бойынша кінә тағылған. Оның ісі 4 ай бойы қаралды.

Айыптаушы тараптың дерегінше, Гусман АҚШ-қа 25 жыл бойы 155 тонна кокаин және өзге де есірткі заттарын тасымалдаған. Ол 2013 жылы «Қоғамның №1 жауы» деп аталды. Гусман бірнеше мәрте ұсталып, түрмеден қашып шыққан. Соңғы рет ол Мексикада 2016 жылы ұсталып, АҚШ-қа экстрадицияланды. Қылмыскер өмір бақи бас бостандығынан айырылуы мүмкін.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.