Мысырда 50 мумия жерленген ежелгі мола табылды

Мұны елдің Тарихи жәдігерлер министрлігі мәлімдеді. Марқұмдардың денелері жақсы сақталған. Қабір Каирдің оңтүстігіндегі Минья провинциясында 10 метр тереңдікте табылды. 50 мумияның 12-сі - балалар. Олардың кейбіреуі зығыр матаға оралып, тас немесе ағаш саркофагқа салынған. Зират - Птолемей дәуіріне қарасты. Бұған қоса, жерленгендер орта тап өкілдеріне жатса керек. Қазба жұмыстары кезінде археологтар мумиялармен бірге жерлеу бетперделері мен керамикалық бұйымдарды да тапты.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.