Каталония лидерлері Мадрид түрмесіне жіберілді

Олар осы аймақты Испаниядан бөліп алуға әрекет жасағаны үшін Барселонада қамауда отырған. Алдағы күндері сепаратистер сот алдында жауап бере бастайды. Болжамдарға қарағанда, жеті ер адам мен екі әйел мемлекет қаржысын талан-таражға салды, көтеріліс жасады деген айыптар бойынша ондаған жылға сотталып кетуі мүмкін.

Каталонияда 2017 жылы қазан айында референдум өтіп, онда тұрғындардың 90 пайызы Испаниядан бөлінуге дауыс берді. Алайда, испан конституциялық соты мен үкіметі сол плебисциттің қорытындысын заңсыз деп тауып, аймақ жетекшілерін жауапқа тартып жатыр.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.