Түркия президенті Сирияға әскер кіргізгенін жариялады

Түркия президенті Реджеп Тайып Ердоған Сирияға әскер кіргізгенін жариялап, ауқымды операциясының жақында басталатынын мәлімдеді. Оның сөзінше, түрік армиясы Евфрат өзенінің шығысындағы «террористік құрылымдарды» жояды. Бұған дейін «Анадолы» агенттігі Түркия авиациясының Сириядағы күрд содырларының позицияларын бомбалағанын хабарлаған-ды.

«Жоспарымыз дайын, әзірлігіміз аяқталды», - дейді Түрік Республикасының лидері.

Айта кетсек, Анкара Сириядағы қарулы күрд отрядтарын Түркияда тәуелсіздік үшін күрес жүргізген Күрдістан Жұмысшылар партиясының жалғасы деп есептейді.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.