Армения премьер-министрі Никол Пашинян отставкаға кетті

Сондағы мақсаты – парламентті таратып, мерзімінен бұрын сайлау өткізіп, билікке қайта келу. Мұны ол халыққа тікелей эфирден жариялады.

Республика парламентінде отырғандардың көбі – бұрынғы үкімет басшысының жақтастары. Пашинян олардың алдағы 14 күнде жаңа премьерді таңдай алмай, сайлауды қайта өткізуге мәжбүр болатынына сенімді. Ал, Серж Саргсянның жақтастары заң бұзып, үкімет басшылығына өз адамын сайлайтын болса, Пашинян халықты көшеге қайта шығармақ.

Айта кетсек, Никол Пашинян отставкаға кеткенімен, «халық жеңісінің» кепілі ретінде премьер-министрлік қызметін әрі қарай жалғастыра береді.

Арыстан РЫСБЕК