Түркия экономикасының өсімі төмендейді

Түркия экономикасы әлсіреп барады. Оның биыл және келесі жылы өсім көрсеткіштері болжамдағыдан төмен болмақ. Яғни, 2018 жылы бұл мемлекеттің жалпы ішкі өнімі небәрі 3,8 пайызға, 2019 жылы 2, 3 пайызға ғана артпақ. Мұндай мәліметті осыдан бірнеше сағат бұрын Түркия Қаржы министрі Берат Албайрақ Стамбұлда жария етті. Оның сөзінше, бұрынғы болжам бойынша түрік экономикасы осы екі жылда шамамен 5 пайызға өсуі тиіс болған.

Айта кетсек, Түркия елден капитал қашқандықтан, ақша дағдарысын бастан кешіп жатыр. Жыл басынан бері оның ұлттық валютасы – лира доллардың қасында 40 пайызға арзандады.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.