Үндістанда жол полицейі ерекше қимылымен танылды

Үндістанда қарапайым ғана полиция офицері әлем назарына ілігіп отыр. Ол жолдағы көлік қозғалысын ерекше қимылдарымен қадағалап, дүниеге танылды. Қазір Пратар Чандра Хандвал елдің шығысындағы Бхубанешвар қаласында жұмыс істеп жүр.

Жол полициясы жүргізушілерді өз дегеніне көндіру үшін белгі беру техникасына төрт жыл бойы машықтаныпты. Сондағы мақсаты – ең бастысы, апатқа жол бермеу.

Айта кетсек, Үндістанда машиналардың жүрісін бақылау өте қиын. Ал, 2006 жылы мұнда жол-көлік оқиғаларынан 150 мыңға жуық адам мерт болған екен.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.