Франция мен Ұлыбритания балықшылары қақтығысты

Франция мен Ұлыбританияның Ауыл шаруашылығы министрліктері екі елдің балықшыларын сабырға шақырып, мәлімдеме жасады. Париж бен Лондон келесі аптада даулы мәселені талқылап, ортақ келісім жасаудан үмітті.

Айта кетсек, сейсенбі күні француз және ағылшын балықшылары Нормандия жағалауында қақтығысып қалды. Сол күні француз кемелері қарсы жақтың траулерлерін соғып, балықшылар бір-бірін балағаттаған. Британ кемелері қашуға мәжбүр болды.

Жанжалға ұлулар дауы себепші. Француз балықшыларының сөзінше, британдықтар оларды жыл бойы тоқтаусыз аулап, халықаралық судың астын тонап әкетіп жатыр.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.