БҰҰ: Йеменде соғысып жатқан барлық тараптар әскери қылмыс жасады деп саналуы мүмкін

Біріккен Ұлттар Ұйымының адам құқығы жөніндегі сарапшыларының мәлімдеуінше, Йеменде соғысып жатқан барлық тараптар әскери қылмыс жасады деп саналуы мүмкін. Өйткені, кейінгі жылдары мұнда талай госпиталь мен мектеп және базарлар бомбаланып, атқыланып, мыңдаған бейбіт тұрғын қаза тапты. Құрбандардың ішінде балалар аз емес.

Айта кетсек, Сауд Арабиясы бастаған коалиция Батысқа арқа сүйеген сүнниттік араб елдерімен бірігіп, Йеменнің халықаралық қауымдастық мойындаған үкіметін орнына қайтару үшін Иранға жақтас шиит-хуситтермен 2015 жылдан бері соғысып жатыр.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.