Жапонияда олимпиадалық кешендердің құрылысы кешігіп жатыр

Токио Олимпиадасына тура екі жыл қалды. Бірақ, мұнда негізгі екі стадионның құрылысы кешігіп жатыр. Сондықтан, оларды сынақтан өткізу уақыты кейінге қалдырылуы мүмкін.

«Рейтердің» хабарлауынша, жүзу және сүңгу жарыстары өтетін кешен құрылысы кестеден екі ай қалып келеді.

Бұған дейін Жапония жарыстарды жоспарлау, судың ластығы және байланыс жүйесіндегі проблемалар үшін халықаралық деңгейде сынға ұшырады.

Айта кетсек, Токиода Жазғы Олимпиада ойындары 2020 жылы шілденің 24-де ашылады.

Арыстан РЫСБЕК