Еуропа Одағы «Google»-ға айыппұл салмақ

«Google» компаниясы Андройд операциялық жүйесі үшін 4,3 миллиард еуро айыппұл төлемек. Еуропа комиссиясының мәлімдеуінше, аталған порталдың мобильдік құрылғылар стратегиясы өзінің іздеу жүйесін әділетсіз күшейтіп, өзгелерден үстем еткен.

Бұл істі тергеу жұмыстары үш жылға созылып, енді ғана аяқталып отыр. «ВВС»-дің хабарлауынша, айыппұл туралы ресми мәлімдеме бүгін таратылады.

Айта кетсек, осы дау басталарда Еуропада Андройдты қолданушылардың үлесі 64 пайыз болса, қазір бұл көрсеткіш 74 пайызға жетіп отыр.

Арыстан РЫСБЕК