Ауғанстанда лай көшкіні 300 үйді қиратты

Ауғанстанда лай көшкіні 300-ге жуық үйді қиратып, кемінде 10 адамды мерт қылды. Қайғылы оқиға елдің солтүстік-шығысындағы Панджшер провинциясында болған. Онда көшкін Пешғор деген ауылды жайпап өткен. Жергілікті тұрғындар жоғалып кеткендерді өз күштерімен іздестіріп жатқан-ды. Оларға екі тікұшақпен құтқарушылар бригадасы мен гуманитарлық көмек жеткізілді.

Ауғанстанның бірнеше аймағы қар ерігенде лай көшкіндерінен жиі зардап шегеді. Мұндай апаттардың көбейіп кетуіне бір жағынан ормандардың азаюы да себепші.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.