Жапонияда тасқыннан қаза тапқандар саны 114-ке жетті

Жапонияда су тасқынынан қаза тапқандар саны 114-ке жетті. Қазір топан жайлаған және лай көшкен аудандарда құтқару операциялары жалғасып жатыр.

Күн Шығыс елінде мұндай су апаты 1983 жылдан бері болмаған. Соңғы мәліметке қарағанда, премьер-министр Синдзо Абэ Францияға, Бельгияға, Сауд Арабиясына, Мысырға сапарын доғаруға мәжбүр.

«Эн-эйч-кэй» телекомпаниясының хабарлауынша,  бірнеше миллион адам үйлерін тастап кеткен. Сонымен қатар, 11200 үй жарықсыз отыр. Ал, жоғалып кеткендердің саны 80-ге жуықтап қалды. 

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.