Оңтүстік Корея мен Солтүстік Корея 1950-1953 жылдардағы соғыста ажырап қалған отбасыларды уақытша қайта табыстыруға келісті

Бұл оқиға тамыздың 20-26-ы күндері болады. Тараптар алдағы қауышуға 100 адамнан жібереді. Және де оған жүре алмайтын қариялар туыстарымен бірге бара алады. Оңтүстік Кореяда солтүстіктегі жақындарымен кездесуге жасы 80-90-ға келген 132 мыңдай адам өтініш берген. Бірақ, олардың 75 мыңы шекараның ар жағындағы туыстарымен көрісе алмай, өмірден өтіп кетті.

Айта кетсек, биыл екі Корея басшылары жүздесіп, араздықты тоқтатуға, түбекте бейбітшілік орнатуға келісіп, Пхеньян тіпті, ядролық қарудан бас тартуға қадам жасай бастады.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.