Иракта жанкешті футбол ойыны кезінде өзін-өзі жарып жіберді

Қанды оқиғаны «ДАИШ» ұйымы өз мойнына алды.

Ирактың Искандерия қаласында жанкешті-лаңкес өзін-өзі бір топ адам арасында жарып жіберіп, 30 кісіні мерт қылған. Жарылыс болған қала ел астанасы Бағдаттан 40 шақырымда орналасқан.

Соңғы мәліметтерге сай, Ирак күштері радикалдық ұйым бақылауындағы стратегиялық Мосул қаласын басып алу үшін ірі операция бастамақ. Қазір қаланың айналасындағы үш бірдей ауыл үкіметке көшкен. Ирак әскеріне күрд жасақтары мен АҚШ авиациясы қолдау көрсетуде.

Арай ТӨЛЕГЕНҚЫЗЫ