Брюссельде қауіпсіздік күшейтілді

Брюссельдегі терактінің негізгі ұйымдастырушысы ретінде күдікке алынған Наджим Лаашрауидың денесі әуежайда жарылыс жасаған жанкештілердің арасынан табылды.

Француз бұқаралық ақпарат құралдарының мәліметінше, мұны генетикалық сараптама көрсеткен.

Наджим Лаашрауимен бірге ағайынды Халид және Брахим Бракауилер наурыздың 22-де Брюссель әуежайы мен метросында жарылыс жасап, өз-өздерін жарып жіберген. Қазір олардың бір сыбайласы іздестіріліп жатыр.

Терактіні «ДАИШ» ұйымы өз мойнына алды.

Арай ТӨЛЕГЕНҚЫЗЫ