Жаңалықтарды Telegram арнамыздан оқыңыз!Қазақстан мен Түркия кеден саласындағы ынтымақтастықты одан әрі арттыруы қажет. Бұл салада қос мемлекеттің бір-біріне үйретері мол. Түркияның кеден және сауда министрі Нұриддин Жаникли Қазақстанның Түркиядағы Елшісі Жансейіт Түймебаевпен кездесуінде осылай деді.
Оның айтуынша, кедендік қызмет сапасын арттыру екі ел арасындағы сауда көлемінің ұлғаюына септігін тигізеді.
Ал, Жансейіт Түймебаев министрге Қазақстан, Түрікменстан және Иран Президенттерінің қатысуымен ашылған «Өзен-Берекет-Горган» теміржол желісі жайында ақпарат берді. Сонымен қатар, «Баку-Тбилиси-Карс» теміржол жобасы арқылы елімізден Түркияға тасымалданатын тауар көлемі артпақ.
Бақытжан ОМАР
