Басты Жаңалықтар Бірлігі жарасқан Қазақстан!

Бірлігі жарасқан Қазақстан!

28.06.2014 08:30

Қазақстан көп ұлтты мемлекет. Тәуелсіздік алған уақыттан бері ұлттар арасында ешқандай кикілжің немесе түсініспеушілік болған емес. Қайта керісінше көптеген ұлт пен ұлыстың бір шаңырақ астында тату-тәтті тұруға болатындығын көрсетті.

Яғни, адам құқықтарының жаңаша үлгідегі институтын қалыптастырды. Қазір мұны шетелдік сарапшылардың өзі мойындап отыр және оны Елбасы Нұрсұлтан Назарбаевтың еңбегімен тығыз байланыстырады.

Владимир Васильев, РФ Мемлекеттік Дума төрағасының орынбасары:

Қазақстанда түрлі ұлттардың бейбіт өмір кешіп, гүлденуіне барлық жағдайлар жасалған. Қазақ, орыс, украин, өзбек сынды көптеген ұлт өкілдері бір шаңырақ астында ынтымақ пен бірлікке қол жеткізді.

Бүгінде Қазақстан халықаралық қауымдастыққа тек өзіне тән заманауи даму жолын ұсынды. Бұл жол бауырлас елдермен, көршілермен өзара үйлесім тауып отыр.

Ұлысаралық келісім мен ұлтаралық татулық тірегінің ордасына айналып, күллі адамзатқа пайдасын тигізер үлгі-өнеге көрсетіп отырған бірден-бір ел - Қазақстан. Мен Қазақстанның басшылығына, көпұлтты халқына амандық тілеймін.

Ғабит ҰЗАҚБАЙ

Бөлісу