Басты Жаңалықтар Әділет министрлігі өткен жылдың қорытындысын шығарды

Әділет министрлігі өткен жылдың қорытындысын шығарды

20.02.2014 05:30

Мемлекеттік қызметтің 42 пайызы Әділет министрлігінің жауапкершілігінде. Былтыр министрлік 11 миллионнан аса қызмет түрін көрсеткен. Бұл 2012 жылмен салыстырғанда 28 пайызға артық.

Әйтсе де, Берік Имашевтің мәлімдеуінше, мемлекеттік органдар нормативтік-құқықтық актілерді жан-жақты қарастырмай, шала күйінде ұсынады. Сол себепті 3 мыңнан аса заң жобасының әрбір екіншісі жетілдіру үшін кері қайтарылған.

<div justify;\\\\\\\"=""> Елдегі сот сараптамасы институттарының жағдайы да көңілден шықпайды. Ескі материалдық базасын ескермегенде, сот сарапшылары тапшы. Елде жылына орта есеппен 280-290 мыңдай қылмыс болады десек, бар-жоғы 609 маман мұндай ауқымды жұмысты еңсере алмайды.

Исидор Борчашвили, Сот сараптамасы орталығының директоры:

1997 жылы бас-аяғы 13 жарым мың сараптама, ал былтыр 60 мың 522 сот сараптамасын жүргіздік. Сандардан байқасаңыз, жұмыс көбейген, алайда маман саны бәз-баяғы қалпында. Кез келген сот сараптамасы ол адамның өмірі. Жауапкершілігі мол жұмыс. Оның үстіне, қазір Әкімшілік кодекстің 58-қаулысын қылмыстық айыпқа ауыстырып жатыр. Бұл алда сот сараптамасы жұмыстары көбейеді деген сөз. Сондықтан кадр жетіспеушілігін кезек күттірмей шешу керек.

Әсем ИЗАТҚЫЗЫ

Бөлісу