Еуразиялық одаққа барар жол

«Еуразиялық одаққа барар жол әлемдік тәжірибеде бар оңтайлы қадам». Бұл саяси ғылымдар докторы, профессор Әміржан Шалтықовтың пікірі. Ғалымның докторлық диссертациясы егемен еліміз үшін әлі күнге өте өзекті болып отырған кеден мәселесіне арналған. Әміржан Исламұлы бұл тақырыпты кеңінен зерттеді, кеден қызметінің экономикалық жағынан ғана емес, сонымен бірге саяси, әлеуметтік, мәдени байланыстар жөнінен де тиімді екенін талдап, бірқатар ұсыныстарын жасады. Осы арайда саясаттанушы ғалым бүгін Ұлттық арна тілшілеріне арнайы сұхбат беріп, Еуразиялық одақтың тиімді тұстарына тоқталды.