Атырауда өрт сөндіру техникасына жол бермеген көлік иелеріне айыппұл салынды

Аймақта соңғы кезде өрт сөндіру көлігінің алдын кес-кестеп, шақыртылған жерге уақытында жетуге кедергі жасайтын автокөліктер қатары көбейген. Осыған орай, қала көшелерінде рейд өткізілді. Нәтижесінде, дабылды елемеген 2 жүргізушіге қатаң ескерту беріліп, 10 айлық есептік көрсеткіш көлемінде айыппұл салынды. Өткен жылы өрт сөндіру көлігінің жолын бөгеген 17 дерек тіркелген.

Аслан Закрилов, Атырау қалалық Бірінші мамандандырылған өрт сөндіру бөлімі бастығының орынбасары:

- Рейд кезінде тұрғындар жол бермеген кезде оларға хаттама толтырып, кейін қайталанбас үшін ескертулер жасап жатырмыз. Жоспар бойынша жылына екі рет өткіземіз. 

Жандос ТЕМІРҒАЛИЕВ