Қарағандыда қала көшелері сапасыз жөнделген

Былтыр бастан-аяқ жөнелген аумақтар биыл жарамсыз болып  қалған, сондықтан, көлік қатынасына айтарлықтай қиындық туғызуда. Бұл олқылықтарды жойып, көшелерді қысқа мерзімде қайта қалпына келтіру керек. Жөндеу жұмыстары қазан айында аяқталуы тиіс. «Кестеден кешіккен құрылыс компанияларымен келісімшарт бұзылады», - деп ескертті облыс әкімі. 

Андрей Андреюк, Жол жөндеу компаниясының директоры:

- Өткен жылы бұл жерді жөндеген мердігерлік компанияға хабарласып хат жібердік. Барлығын қайта жасайды. О баста бетоны дұрыс құйылмаған. Соның салдарынан үстінен қойған жабынды материалы бос жатқан. Толассыз көліктің табанына шыдас бермей сынып қалғаны содан. Жақын арада бұл олқылықтың орнын толтырамыз.

Руслан НҰРЛАНҰЛЫ