Ақтөбеде тағы бір IT сынып ашылды

Жаңа технология әдістерін енді №61 орта мектептің оқушылары да меңгереді. Жаңадан жабдықталған кабинетке жоғары жылдамдықтағы ғаламтор желісіне қосылған 12 компьютер қойылған. IT классқа оқушылардың қызығушылығы зор. Кейбірі қазірдің өзінде әр түрлі бағдарламалар дайындауға машықтануда. Оқушылар бұл жерде сандық технологиядан бөлек, робототехникамен де айналыса алады.