Елімізде «Қолдайық ауыл мектебін» акциясы басталды

Құрылғанына он жыл болған  Назарбаев зияткерлік мектебі, акция шеңберінде шалғайдағы ауыл мектептеріне қолдау көрсетпек. Ақтаудағы зияткерлік мектеп Жетібай ауылындағы білім ошағына  100 гүл, 200 кітап және оқушылардың өздері құрастырған 3D принтерді сыйға тартты. Ал, ұстаздар ауыл мұғалімдеріне шеберлік сағаттарын өткізді. Дәл осындай акция еліміздің өзге аймақтарында өтуде. 

Ермек Пайызов, Назарбаев зияткерлік мектебінің директоры:

- Акция арқылы біз басқа компанияларға ауыл мектептерін қолдауға болатынын, мүмкіншіліктер бар екенін айтқымыз келіп отыр. Оған үлкен қаражаттың қажеті жоқ. Ең бірінші, компаниялардың ниеті болса, ауыл мектебіне үлкен қолдау жасап, оқушылардың білімге деген қызығушылығын арттыра аламыз.