Мемлекеттің сыбайлас жемқорлыққа қарсы саясатына сенім білдірген азаматтардың үлесі соңғы екі жылда 18 пайызға өскен. Бұл туралы Жемқорлыққа қарсы іс-қимыл агенттігінің өкілдері баспасөз мәслихатында мәлімдеді. Жемқорлықты қабылдау жөніндегі дүниежүзілік индекске сай, биыл Қазақстан 180 мемлекеттің арасында 122 орынды иеленген.
Сондай-ақ, пара алу фактісі бойынша құқықбұзушылық 13 пайызға азайыпты. «Осы айтылғандардың бәрі сыбайлас жемқорлыққа қарсы стратегияны іске асырудың нәтижесі»,- дейді мамандар. Әсіресе, Әділет, Индустриялық даму департаменттерінде осындай қылмыс көп тіркеледі екен.
Ернар Маханов, ҚР Мемлекеттік қызмет істері және сыбайлас жемқорлыққа қарсы іс-қимыл агенттігі қалалық департамент өкілі:
- Әділет департаменті жүргізген тексеру қорытындысы бойынша 130 заңбұзушылық анықталды. Бүгінгі күнде анықталған бұзушылықтар бойынша оларды жою, жауапты тұлғалардың тәртіптік жауапкершіліктерін қарау бойынша нұсқама қаралуда.
Фариза МҰСАҚЫЗЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Елімізде пара алу фактілері азайған&mh_tags=Qazaqstan&mh_page=https://qazaqstan.tv/news/60754/)