Жаңалықтарды Telegram арнамыздан оқыңыз!Елім дейтін ұрпақты қалыптастыру балабақшадан басталады. Астанадағы «Ақ көгершін» бала-бақшасында өткен семинар кезінде осы ой жиі айтылды. Ұлттық тәрбиені қалыптастыруға бағытталған жиынға балалар жазушылары, танымал педагогтар қатысты. Алдымен жас бүлдіршіндер жеткен жетістіктерін паш етіп, үлкендердің қошеметіне бөленді. Кейінірек балғындармен тікелей жұмыс істейтін тәрбиешілер пікір алмасып, жас өрендерге әсер етудің түрлі тәсілдерін сөз етті. «Әсіресе, қызды тәрбиелеу – ұлтты тәрбиелеу екенін ұғыну керек», - дейді ұстаздар.
Ұлжан Сәбиева, № 48 «Ақ көгершін» балабақшасының меңгерушісі:
«Рухани жаңғыру» бағдарламасы аясында біз балаларға ұлттық тәрбиені ертегі арқылы беріп отырмыз. Мектеп жасына дейінгі балаларға басқа тілмен жеткізе алмаймыз.
Ғабит БӨКЕНБАЙ
