Кітапхана рухани орталыққа айналуы тиіс

Кітапхана ағарту орталығына айналуы тиіс. Ол үшін кітапханаларды заманауи жаңғыртуға басымдық берген жөн. Бұл мәселелер Атырауда өткен республикалық  форумда талқыланды. Жиында ауыл кітапханаларын дамыту,  ондағы  ресурстарды сандық форматқа көшіру  керектігі айтылды. «Сондай-ақ, мамандардың кәсіби деңгейін арттыруға баса көңіл бөлу керек», - дейді форумға жиналғандар. 

Гүлстан Хамзина, Ақтөбе облыстық зағиптар және нашар көретін азаматтардың арнаулы кітапханасының директоры:

- Қазіргі уақытта кітапхана саласына қойылатын талап өте жоғары. Кітапхана тек қана кітап беріп, кітап алып отыратын орталықтан әлдеқашан кетті. Біріншіден, біз білім береміз, ағарту, тәрбие беру, сонымен қатар, демалыс орталығымыз.

Жандос ТЕМІРҒАЛИЕВ