Қызылорда облысында пластик қайық жасалады

Қызылорда облысының Арал ауданында қайық жасалады. Заманауи технологияның көмегімен шеберлер үш күнде бір қайық құрастырып, сұранысты толықтай қанағаттандырып отыр. Қажетті шикізатты Испаниядан әкеледі. Шыны-пластиктен дайындалған қайық жеңіл әрі қауіпсіз, толқынға жақсы төтеп береді. Бұрын суда жүзетін көлікті балықшылар Ресейден алатын, сондықтан, қазір отандық өнімге тапсырыс көп.   

Жасқайрат Қаныбетов, шебер:

- Қазір заманауи технология арқасында жұмысшылар шаршамайды. Бұрын бәрін қолмен жағатынбыз.

Ақерке БЕРІКБЕКҚЫЗЫ