Атырау облысында халық қалаулылары ұстаздармен кездесті

Бір топ Мәжіліс депутаты Атырау облысының Исатай ауданына барды. Олар аудан орталығында бой көтерген спорт кешенінің құрылысымен танысты. Өркен орта мектебінің ұжымымен кездесіп, ұстаздардың көкейлерінде жүрген сұрақтарға жауап берді. Халық қалаулылары Елбасының бес бастамасын жан-жақты баяндап, егжей-тегжейлі түсіндірді. Сондай-ақ, депутаттар мектеп ауласына көшет отырғызып, игілікті іске үлестерін қосты.

Бақтықожа Ізмұхамбетов, ҚР Парламенті Мәжілісінің депутаты:

- Барлық жасалып жатқан істердің барлығына біз оң көзқараспен, түсінікпен қарап отырмыз. Жалпы, облыста басқа аймақтардағыдай секілді Елбасының басшылығымен Үкіметтің қолдауымен жасалып жатқан іс-шаралардың барлығы көңілге қонарлықтай.

Жандос ТЕМІРҒАЛИЕВ