Депутаттар Павлодардағы ойын-сауық орталықтарының өрт қауіпсіздігін тексерді

Ресейліктерді есеңгіреткен Кемероводағы өрттен соң еліміздегі барлық ойын-сауық орталықтарындағы қауіпсіздік шаралары күшейтіліп жатыр. Павлодар облысына барған Мәжіліс депутаттары қаладағы ойын-сауық орталықтарына арнайы барып, ондағы өрт қауіпсіздігін тексерді.

Ғимараттың өрт сөндіргіш құралдармен жабдықталуы, дабыл қаққыш жүйесінің жұмысын бажайлады. Қосымша есіктер мен сатыларды көрді. Қызметкерлердің жұмысқа алынардан бұрын арнайы оқытылуы да маңызды. Бұл жағын да қадағалау керектігі тапсырылды. Депутаттар кешен ішіндегі кинозалдар мен сауда орындарын аралап, орталықтың қауіпсіздік қызмет өкілдерімен тілдесті.