Жаңалықтарды Telegram арнамыздан оқыңыз!Бүгін Қызылорда қаласының Әйтеке би көшесінде атыс болып, бір адамға оқ тиді. Жарақат алған тұрғын ауруханаға түсті. Дәрігерлердің айтуынша, науқастың жағдайы ауыр. Ішкі ағзаларына қатты зақым келген. Жарақат күрделі болғандықтан операция бірнеше сағатқа созылған. Ал, оқиғаға қатысы бар деген күдікпен 7 адам ұсталды. Қазір тергеу амалдары жүріп жатыр.
Нұрлан Анарбаев облыстық ІІД бастығының орынбасары:
- Жедел-тергеу топ қазір жұмыс атқарып жатыр. Нәтижесінде қазір күдікті адамдар анықталып, олар ҚІІБ жеткізіліп, олармен тергеу әрекеті жүргізілуде. Қылмыстық іс қозғалғандықтан тергеу құпиялылығы болады. Яғни, күдіктілердің әлі сот үкімі шықпай тұрып, нақты аты-жөндерін, басқа мәліметтерін айтуға құқығымыз жоқ.
Ақерке БЕРІКБЕКҚЫЗЫ
