Арал қаласында екіқабатты үйдің өткелі құлады

Қызылорда облысы Арал қаласында екіқабатты үйді бөліп тұрған өткел опырылып құлады. Зардап шеккендер жоқ. 1986 жылы балабақша ретінде салынған ғимарат 90- жылдары тұрғын үй мақсатына берілген. Осы уақытқа дейін онда  15 отбасы тұрған. Оқыс оқиғадан кейін  8 отбасы   қауіпсіз жерге көшірілді. Ыстық тамақпен, киім-кешек, төсек орынмен қамтамасыз етілді. Ал, қалған 7 жанұя ғимараттың қауіпсіз аумағында тұрып жатыр. Аудан әкімінің тапсырмасына сәйкес арнайы комиссия құрылды.

Ақерке БЕРІКБЕКҚЫЗЫ