Астанадағы тергеу изоляторынан қашқан күдікті ұсталды

Астанадағы тергеу изоляторынан қашып кеткен Ерасыл Арғынбаев ұсталды. Тәртіп сақшылары күшейтілген режимге көшіріліп, 1 тәуліктен аса уақыттан соң күдіктіні қолға түсірді. Қарағанды облысы Ішкі істер департаментінің Нұра аудандық бөлімше қызметкерлері кеше түнге қарай «Жигули» жеңіл автокөлігін тексеру кезінде қашып кеткен күдіктіні анықтаған. Ұсталу кезінде ол қарсылық білдірмеген. 25 ақпан күні  Қарағанды облысының 36 жастағы тумасы Ерасыл Арғынбаев Астанадағы тергеу изоляторынан серуендеу алаңында жүріп, сол жердегі бір қабатты ғимараттың шатырына шығып, қашып кеткен.