Алдағы үш тәулікте еліміздің басым өңірлерінде ауа температурасы төмендейді

Алдағы үш тәулікте кезекті антициклонның әсерінен еліміздің басым өңірлерінде ауа температурасы төмендейді. «Қазгидрометтің» хабарлауынша, тұрақсыз күн райының әсерінен кей жерлерде тұман мен қар аралас жаңбыр, көктайғақ болуы ықтимал. Сондай-ақ, ертең еліміздің оңтүстік және оңтүстік шығысында жылдамдығы 30 метр секундқа дейінгі күшті жел тұруы мүмкін. Бас қалада 27-28 ақпанда түнде 9 градусқа дейін суық болады. Жолдарда көктайғақ орнайды.     

Айдана Абықан, «Қазгидромет» РМК инженер-синоптигі:

- Алдағы тәулікте кезекті антициклонның әсерінен батыс өңірлерде ауа температурасының төмендеуі күтіледі. Кейіннен еліміздің басқа өңірлеріне ауа температурасының төмендеуі болады.

Елдос САПАРҒАЛИ