Жер қойнауын пайдалануға қатысты өзгерістер

Еліміздің Салық кодексіне өзгерістер енгізіліп жатыр. Атап айтқанда, жер қойнауын пайдалану саласындағы инвестициялық ахуалды жақсарту мақсатында бірнеше шара қабылданды. Мұны бүгін Қаржы министрлігінің Мемлекеттік кірістер комитеті мамандандырылған басқармасының сарапшылары мәлімдеді. Мәселен, биылдан бастап тау-кен секторы үстеме пайда салығынан босатылды. Сондай-ақ, қатты пайдалы қазбаларды барлауға, өңдеуге лицензиялар бойынша тарихи шығындарды өтеу алынып тасталған. Сонымен қатар, қалайы өндірісі үшін бұрын 6 пайыз салық төленсе, 2019 жылдан бастап бұл көрсеткіш 3 пайызға төмендетілмек. Осылайша, салаға инвесторларды тартып, жаңа жұмыс орындарын ашу көзделіп отыр.

Фариза МҰСАҚЫЗЫ