Атыраулық Мәдина Түсіпбековаға Головкиннің жекпе-жегін көрсету арқылы түскен қаржыға сый жасалды

Астанадағы «Казмедиа» орталығында Геннадий Головкиннің әр жекпе-жегі  үлкен залда, тікелей эфирде көрерменге көрсетіледі.

Сол арқылы медиа орталықтың басшылығы қайырымдылық жасап отыр. Мәселен, атыраулық Мәдина Түсіпбекова бүгін жаңа «көлікті» сыйға алды. Оның үстіне, Астанада қонақ болып, ең көрікті жерлерді араламақ. Мұндай мүмкіндік Головкиннің жекпе-жегін көрсету арқылы түскен қаржыға жасалып отыр. Мәдина бұған дейін жөнді қол арба ала алмай жүргенін әлеуметтік желіде жазған-тын. Оны оқып-көрген жомарт жандар осындай игі іске себепкер болды.   

Мәдина Түсіпбекова, Атырау қаласының тұрғыны:

- Әуелі Алла, одан соң «ҚМО»-ның арқасында осы арбаға қол жетіп тұр. Өте қатты ұнады. Керемет барлығы. Сөзбен айтып жеткізу мүмкін емес.