Жаңалықтарды Telegram арнамыздан оқыңыз!Оңтүстік Қазақстан облысында биыл суармалы егістік жердің көлемі тағы 118 мың гектарға толықты. Халықаралық қайта құру және даму банкінің қаржыландыруымен Мақтаарал, Шардара аудандары мен Түркістан қаласындағы тозығы жеткен каналдар қайтадан жөнделіп, 70 мың гектар жер суландырылды.
Осылайша, бүгінгі таңда облыстағы жалпы суармалы жердің көлемі 476 мың гектарға жетті. Былтыр суармалы егістік қорына кезінде судың тапшылығынан игерусіз қалған 670 гектар жер қосылды. Тағы 16 мың гектар жерді ағын сумен қамтамасыз ету ісі жақсарды. Осындай кешенді жұмыстардың нәтижесінде келешекте өңірде суармалы жердің көлемі 900 мың гектарға жеткелі отыр.
Ғани ҚАЛМАХАНОВ
