Оңтүстік Қазақстан облысында баланы күрекпен ұрған ер адам іздестірілуде

Оңтүстік Қазақстан облысының  полицейлері 4-5 жастағы баланы күрекпен ұрып жатқан адамды іздеуге кірісті. Әлеуметтік желі арқылы таралған бұл бейнежазбада ер адамның автокөлік доңғалағының ішіне кептеп тұрғызып қойған бүлдіршінді аяусыз соққылап жатқаны көрсетілген. Тағы бір өкінішті жайт, бейнежазбада осы оқиғаны әлдебір әйел адамның жайбарақат қызықтап тұрғанын аңғаруға болады.

Ересектердің бұл балаға қандай қатысы бары әзірге белгісіз. Баланы азаптаған ер адамның әрекетіне байланысты полиция қылмыстық іс қозғады.   

Ғани ҚАЛМАХАНОВ