Үлескерлер Үкіметтен көмек сұрайды

Үкіметтік комиссия құрылсын. Бүгін елордалық үлескерлер арнайы баспасөз жиынын өткізіп, осындай талаптарын айтты. Қазіргі күні Астанада он жылдан бері салынбай келе жатқан әр түрлі деңгейдегі тұрғын үйлер бар.

Шамамен 20 мыңға жуық үлескер кезінде осы үйлерге 100 пайыз ақшасын салып қойған. Бірақ, әр түрлі себептермен үйлері толық салынбай келеді. Көбісінде құрылыс компанияларының басшылары ақшаны жинап алып, іздерін жасырған. Тіпті, шетел асып кеткендері де бар. Үлескерлердің арызымен сотталғандары да қаншама. Бірақ, сол үлескерлердің қаржысын миллиардтап жымқырғандар рақымшылыққа ілініп, жаза мерзімдері бірнеше есеге қысқарған.