ОҚО-дағы трактор зауытының жұмысы тұралап тұр

Трактордың орнына тырма. Екі жыл бұрын дабырамен ашылған трактор зауыты өлместің күнін кешіп келеді. Жоғары сапалы техниканың орнына соқа мен тырма жасап жүр.

Елбасы қатысумен телемарафон кезінде іске қосылған кәсіпорын жобалық қуаты бойынша жылына 5 мың техника шығаруды көздеген еді. Осы кезге дейін бар болғаны 130-дай ғана трактор жасап шығарған. Онда да оның тек үштен бірі ғана сатылған, өзгесі қоймада тұр.